ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងមហាផ្ទៃសម្រេចបដិសេធសំណើបង្កើត «គណបក្សបេះដូងជាតិ» និងប្ដឹងតំណាងស្ថាបនិកបក្សទៅតុលាការ

ភ្នំពេញ៖ រដ្ឋមន្ត្រីក្រសួងមហាផ្ទៃ សម្ដេចក្រឡាហោម ស ខេង តាមលិខិតមួយច្បាប់ជម្រាបជូននាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថាយោងតាមការស្រាវជ្រាវនិងកោសល្យវិច័យលើស្នាមមេដៃរបស់សមាជិកគណបក្សបេះដូងជាតិ ក្រសួងរកឃើញគណបក្សនេះបានប្រឌិតស្នាមមេដៃក្នុងបញ្ជីរាយនាមចូលជាសមាជិក ដែលមានចេតនាទុច្ចរិតក្នុងការបង្កើនបរិមាណសមាជិក។

ក្នុងលិខិតនោះបញ្ជាក់ថា ក្នុងស្នាមមេដៃ ៤ ៧៨១មេដៃ ដែលផ្ញើជូនក្រសួងមហាផ្ទៃដោយគណបក្សបេះដូងជាតិ ក្រសួងបានរកឃើញថាមានស្នាមមេដៃផ្ដិតខុសពីស្នាមមេដៃពីអត្ដសញ្ញាណបណ្ណ ២០នាក់ ស្នាមមេដៃ ២០នាក់ផ្ដិតលើឈ្មោះអ្នកដទៃ ៥៤នាក់ ស្នាមមេដៃក្លែងក្លាយ ៧៤ស្នាមមេដៃ ២៨ស្នាមមេដៃមិនអាចធ្វើកោសល្យវិច័យបាន និង៥នាក់បានផ្ដិតស្នាមមេដៃលើឈ្មោះមនុស្ស២១នាក់។

យោងតាមភាពមិនប្រក្រតីនេះក្រសួងមហាផ្ទៃសម្រេចបដិសេធ សំណើសុំចុះឈ្មោះ គណបក្សបេះដូងជាតិ និងប្ដឹងតំណាងស្ថាបនិកគណបក្សនេះទៅតុលាការដើម្បីមានចំណាត់ការច្បាប់។ លើសពីនេះក្រសួងក៏សម្រេចឱ្យអគ្គស្នងការនគរបាលជាតិស្រាវជ្រាវរកបុគ្គលដែលមានចេតនាទុច្ចរិតផ្តិតក្លែងបន្លំស្នាមមេដៃទាំងនេះផងដែរ។

អ្នកនាំពាក្យក្រសួងមហាផ្ទៃ លោក ខៀវ សុភ័គ បានឱ្យ EAC News ដឹងនៅរសៀលថ្ងៃទី១២ ខែវិច្ឆិកា នេះថា៖ «យើងកំពុងរៀបចំពាក្យបណ្ដឹងទៅតុលាការទី១ ទី២អ្នកដែលបន្លំស្នាមមដៃក៏យើងមានវិធានការដែរ។ មានស្នាមមេដៃខ្លះមនុស្សម្នាក់ផ្ដិត ៥ដងអីនោះ»។

តំណាងស្ថាបនិកគណបក្សបេះដូងជាតិ លោក សៀម ភ្លុក បានប្រាប់ EAC News ថាលោកមិនមានការបារម្ភចំពោះវិធានការរបស់ក្រសួងមហាផ្ទៃ ខណៈលោកថាលោកបានត្រៀមខ្លួនរួចហើយដើម្បីចូលខ្លួនស្រាយបំភ្លឺចំពោះការរកឃើញរបស់ក្រសួង។ លោកថា លោកមិនបានដឹងអំពីការក្លែងបន្លំស្នាមមេដៃដែលដាក់ទៅឱ្យក្រសួងមហាផ្ទៃនោះទេ។

លោក សៀម ភ្លុក៖ «ព្រោះខ្ញុំសម្រាប់ស្នាមមេដៃអ្នកគាំទ្រខ្ញុំមិចដឹងថាពិត ឬមិនពិត? វាជាជំនាញរបស់ក្រសួងមហាផ្ទៃដែលពិនិត្យថាស្នាមមេដៃណាត្រឹមត្រូវ ឬមិនត្រឹមត្រូវហើយត្រូវស្នើមកវិញឱ្យត្រូវតាមលក្ខខន្ត បើខ្វះខ្ញុំនឹងបំពេញហើយបើស្នាមមេដៃណាចាត់ទុកថាមិនបានការក្រសួងអាចបដិសេធថាស្នាមមេដៃនេះមិនបានការ ចំនួនប៉ុណ្ណេះបានការគ្រប់លក្ខខន្តហើយឬអត់? បើមិនគ្រប់ទេស្នើឱ្យខ្ញុំបំពេញ ខ្ញុំដាក់ដល់ជាង ៤ពាន់ ៦រយផ្លាយហើយទោះបីជាខូច២ ទៅ៣រយខ្ញុំជឿថាខ្ញុំអត់មានខុសដែរ»។

គណបក្សបេះដូងជាតិ គឺជាគណបក្សថ្មីរបស់សមាជិកដែលបែកចេញពីអតីតបក្សសង្គ្រោះជាតិ។ មានព័ត៌មានបែកធ្លាយថាគណបក្សនេះទទួលបានជំនួយពីលោក សម រង្ស៊ី និងបក្ខពួកបង្កើតឡើងដើម្បីចូលរួមការបោះឆ្នោតខាងមុខ ខណៈតំណាងស្ថាបនិកគណបក្សនេះបានច្រានចោល៕



ព័ត៌មានជាច្រើនទៀតសម្រាប់អ្នក